აღწერა

*10 თანადაფინანსებული ადგილი „მსოფლიოს მკვლევართა კლუბში“* რატომ აშენდა მაჩუ-პიქჩუ მთის წვერზე? სვეტიცხოველი კი მცხეთის გულში? რა ისტორიებს ინახავს კლდეში გამოკვეთილი ქალაქი პეტრა ან უფლისციხე? როგორ გაჩნდა ეგვიპტის პირამიდები, ჩინეთის დიდი კედელი და ანგკორ-ვატი? რას გვიყვება ქვეყნის ისტორიის შესახებ მისი ხელოვნება, სამოსი და კერძები? რატომ ხატავდა და ვინჩი ისე და ფიროსმანი – ასე? „ფასკუნჯი“, “კავკასიის კულტურულ-შემოქმედებით კავშირთან”-პარტნიორობით, იწყებს საგანმანათლებლო მხარდაჭერის პროგრამას და „მსოფლიოს მკვლევართა კლუბში“ 10 ბავშვის სწავლას ნაწილობრივ დააფინანსებს. თანადაფინანსება განაწილდება შემდეგნაირად: 3 ბავშვი მიიღებს “50%-იან დაფინანსებას” და გადაიხდის თვეში 85 ლარს; 3 ბავშვი მიიღებს “30%-იან დაფინანსებას” და გადაიხდის თვეში 119 ლარს; 4 ბავშვი მიიღებს “20%-იან დაფინანსებას” და გადაიხდის თვეში 136 ლარს. კურსის სრული ღირებულებაა თვეში 170 ლარი. თანადაფინანსება გავრცელდება რვათვიანი პროგრამის სრულ პერიოდზე. ეს არ არის კონკურსი და ბავშვს წინასწარი ცოდნა ან სპეციალური დავალების შესრულება არ მოეთხოვება. თანადაფინანსების მისაღებად მშობელმა უნდა შეავსოს მოკლე განაცხადი და მიუთითოს, რატომ სურს ბავშვს კლუბში მონაწილეობა და რა მოცულობის მხარდაჭერა გახდის სწავლას შესაძლებელს. განაცხადების განხილვისას გათვალისწინებული იქნება ბავშვის ინტერესი, მოტივაცია, შეხვედრებზე რეგულარულად დასწრების შესაძლებლობა და ოჯახის მიერ მოთხოვნილი თანადაფინანსების მოცულობა. კლუბის მონაწილეები გაეცნობიან მსოფლიოს გამორჩეულ ქვეყნებსა და ცივილიზაციებს, ისტორიას, გეოგრაფიას, ხელოვნებას, არქიტექტურასა და კულტურას. ასაკობრივი ჯგუფები: 8-10 წელი 11-12 წელი მენტორი: ხელოვნებათმცოდნე თამარ ბოტკოველი შეხვედრები: კვირაში ერთხელ, 1.5 საათი მისამართი: თინა იოსებიძის 57, XI სართული განაცხადების მიღების ბოლო ვადა: 27 სექტემბერი განაცხადი: https://forms.gle/6x5rMxLGsJjUZwPW6 100 ადგილი, 100 ამბავი, ერთი დიდი მოგზაურობა.