ბოლო განახლების თარიღი: 11 სექტემბერი, 2026 წელი

წინამდებარე წესები და პირობები წარმოადგენს მომხმარებელსა და ინდივიდუალურ მეწარმე გურამ მეგრელიშვილს შორის დადებულ სავალდებულო შეთანხმებას და არეგულირებს writingschool.ge-ის გამოყენებას, პროდუქტის შეძენას, კურსებსა და ღონისძიებებში მონაწილეობას და მოგზაურობის მომსახურების დაჯავშნას.

ვებგვერდის მეშვეობით შეკვეთის განთავსებითა და შესაბამის ველში თანხმობის მონიშვნით მომხმარებელი ადასტურებს, რომ გაეცნო და ეთანხმება წინამდებარე წესებსა და პირობებს.

1. მოვაჭრის მონაცემები

• დასახელება: ინდივიდუალური მეწარმე გურამ მეგრელიშვილი
• საიდენტიფიკაციო ნომერი: 01002011580
• მისამართი: საქართველო, თბილისი, თინა იოსებიძის ქუჩა №57, სართული 11
• ტელეფონი: +995 599 89 10 57
• ელფოსტა: faskunji.writingschool@gmail.com
• ვებგვერდი: writingschool.ge

2. ზოგადი დებულებები

2.1. writingschool.ge-ზე მომხმარებელს შეუძლია შეიძინოს წიგნები და სხვა პროდუქტი, დარეგისტრირდეს ადგილზე ან ონლაინ ჩასატარებელ კურსსა და ღონისძიებაზე და დაჯავშნოს შეთავაზებული მოგზაურობა.

2.2. კონკრეტული პროდუქტის ან მომსახურების დასახელება, აღწერა, ფასი, ჩატარების ან მიწოდების პირობები მომხმარებელს ეცნობება შეკვეთის გაფორმებამდე.

2.3. writingschool.ge უფლებამოსილია შეცვალოს წინამდებარე წესები. განახლებული პირობები ვრცელდება მათი გამოქვეყნების შემდეგ განხორციელებულ შეკვეთებზე. უკვე შეძენილ პროდუქტსა თუ მომსახურებაზე ვრცელდება შეკვეთის გაფორმების მომენტში მოქმედი პირობები, გარდა კანონით გათვალისწინებული შემთხვევებისა.

2.4. თუ კონკრეტულ კურსს, ღონისძიებას ან მოგზაურობას ახლავს სპეციალური პირობები, ისინი წინამდებარე დოკუმენტის ნაწილია. სპეციალურ და ზოგად პირობებს შორის განსხვავებისას უპირატესობა ენიჭება სპეციალურ პირობებს, თუ ეს არ ზღუდავს მომხმარებლის კანონით მინიჭებულ უფლებებს.

3. რეგისტრაცია და მომხმარებლის პასუხისმგებლობა

3.1. შეკვეთის გასაფორმებლად მომხმარებელი უთითებს მოთხოვნილ, სრულ და ნამდვილ მონაცემებს.

3.2. ხელშეკრულებას აფორმებს სრულწლოვანი ქმედუნარიანი პირი. არასრულწლოვნის კურსზე, ღონისძიებაზე ან მოგზაურობაში რეგისტრაციას ახორციელებს მისი მშობელი ან სხვა კანონიერი წარმომადგენელი, რომელიც პასუხისმგებელია მოწოდებული ინფორმაციის სისწორესა და შესაბამისი თანხმობების გაცემაზე.

3.3. მომხმარებელი პასუხისმგებელია არასწორი ან არასრული ინფორმაციის მიწოდებით გამოწვეულ შედეგებზე.

3.4. შეკვეთა მიღებულად ითვლება მას შემდეგ, რაც მომხმარებელი დაადასტურებს წესებსა და პირობებზე თანხმობას და, ფასიანი შეკვეთის შემთხვევაში, წარმატებით განახორციელებს გადახდას, თუ კონკრეტული შეთავაზებით სხვა რამ არ არის განსაზღვრული.

4. ფასები და ანგარიშსწორება

4.1. პროდუქტის ან მომსახურების საბოლოო ფასი მომხმარებელს ეცნობება შეკვეთის დადასტურებამდე.

4.2. გადახდა შესაძლებელია ვებგვერდზე მითითებული საბანკო ბარათით, საბანკო გადარიცხვით ან ნაღდი ანგარიშსწორებით, თუ კონკრეტული შეთავაზება შესაბამის მეთოდს ითვალისწინებს.

4.3. ბარათით ანგარიშსწორების მონაცემებს ამუშავებს შესაბამისი გადახდის მომსახურების მიმწოდებელი. writingschool.ge არ ინახავს მომხმარებლის საბანკო ბარათის სრულ მონაცემებს.

4.4. თუ კანონით სხვა რამ არ არის განსაზღვრული, საკომისიოებისა და ვალუტის კონვერტაციის პირობები განისაზღვრება მომხმარებლის ბანკის ან გადახდის მომსახურების მიმწოდებლის წესებით.

5. კურსები და ღონისძიებები

5.1. კურსის ან ღონისძიების ფორმატი, პროგრამა, განრიგი, ხანგრძლივობა, ფასი და მონაწილეობის სხვა არსებითი პირობები მითითებულია შესაბამის შეთავაზებაში.

5.2. მომხმარებლის მიერ გაცდენილი შეხვედრა ჩატარებულად ითვლება. გაცდენილი შეხვედრის საფასური არ ანაზღაურდება და არ გადაიტანება, თუ კონკრეტული შეთავაზებით წერილობით სხვა რამ არ არის განსაზღვრული.

5.3. კურსის დაწყების შემდეგ მომხმარებლის ინიციატივით მონაწილეობის შეწყვეტისას გადახდილი თანხა არ ბრუნდება, გარდა საქართველოს კანონმდებლობით პირდაპირ გათვალისწინებული შემთხვევებისა.

5.4. ონლაინკურსის მონაწილე ვალდებულია არ გადასცეს სხვა პირს წვდომის ბმული, პაროლი, ჩანაწერი ან სასწავლო მასალა. კურსის მასალების გავრცელება, გაყიდვა, საჯაროდ გამოქვეყნება ან სხვა ფორმით უნებართვო გამოყენება დაუშვებელია.

5.5. თუ ჯგუფი ვერ შეივსო ან კურსი/ღონისძიება ორგანიზატორის გადაწყვეტილებით გაუქმდა, მომხმარებელს სრულად უბრუნდება შესაბამის მომსახურებაში გადახდილი თანხა. მომხმარებლის თანხმობით შესაძლებელია თანხის სხვა კურსზე ან ღონისძიებაზე გადატანაც.

5.6. ორგანიზატორს შეუძლია დასაბუთებული აუცილებლობისას შეცვალოს შეხვედრის დრო, ადგილი, ფორმატი ან ლექტორი. არსებითი ცვლილების შემთხვევაში მომხმარებელს ცვლილების შესახებ ეცნობება მის მიერ მითითებულ საკონტაქტო საშუალებაზე და მიეცემა კანონითა და კონკრეტული შეთავაზებით გათვალისწინებული არჩევანი.

5.7. მონაწილემ უნდა დაიცვას უსაფრთხოების, ურთიერთპატივისცემისა და სივრცით სარგებლობის წესები. ძალადობრივი, შეურაცხმყოფელი ან სხვა მონაწილეებისთვის საფრთხის შემცველი ქცევის შემთხვევაში ორგანიზატორს შეუძლია მონაწილეობის შეზღუდვა შესაბამისი გარემოებებისა და კანონმდებლობის გათვალისწინებით.

6. წიგნები და სხვა ფიზიკური პროდუქტი

6.1. წიგნის ან სხვა ფიზიკური პროდუქტის მიწოდების ფასი, ტერიტორია და სავარაუდო ვადა მომხმარებელს ეცნობება შეკვეთის გაფორმებამდე.

6.2. მომხმარებელი ვალდებულია მიღებისას, შესაძლებლობის ფარგლებში, შეამოწმოს პროდუქტის მდგომარეობა. დაზიანებული, ნაკლოვანი ან შეკვეთისგან განსხვავებული პროდუქტის მიღების შემთხვევაში მომხმარებელმა უნდა დაგვიკავშირდეს გონივრულ ვადაში და წარმოადგინოს შეკვეთისა და ხარვეზის დამადასტურებელი ინფორმაცია.

6.3. ნაკლოვან პროდუქტთან დაკავშირებით მომხმარებლის უფლებები განისაზღვრება საქართველოს კანონმდებლობით და წინამდებარე პირობები ამ უფლებებს არ ზღუდავს.

6.4. დისტანციურად შეძენილ პროდუქტზე უარის თქმის შემთხვევაში პროდუქტი უნდა დაბრუნდეს კანონით დადგენილი პირობებით. მომხმარებელი პასუხისმგებელია მხოლოდ პროდუქტის ისეთი გამოყენებით გამოწვეულ ღირებულების შემცირებაზე, რომელიც სცდება მისი ბუნების, მახასიათებლებისა და ფუნქციონირების დასადგენად საჭირო შემოწმებას.

6.5. დაბრუნების ტრანსპორტირების ხარჯი ეკისრება მომხმარებელს, თუ პროდუქტი არ არის ნაკლოვანი, შეკვეთისგან განსხვავებული ან თუ წინასწარ სხვა რამ არ იყო შეთანხმებული.

7. მოგზაურობები

7.1. თითოეულ მოგზაურობას აქვს ინდივიდუალური შეთავაზება და პირობები, რომელშიც განისაზღვრება მარშრუტი, თარიღები, სრული ფასი, ფასში შემავალი და დამატებით გადასახდელი მომსახურებები, ავანსი, გადახდის გრაფიკი, მინიმალური ჯგუფი, გაუქმებისა და თანხის დაბრუნების პირობები.

7.2. მოგზაურობის დაჯავშნით მომხმარებელი ადასტურებს, რომ გაეცნო როგორც წინამდებარე ზოგად წესებს, ისე შესაბამისი მოგზაურობის სპეციალურ პირობებს.

7.3. ავიაბილეთის, სასტუმროს, ვიზის, დაზღვევის, ტრანსფერისა და სხვა მესამე პირის მომსახურების შეცვლისა თუ გაუქმების პირობები შესაძლოა განისაზღვროს შესაბამისი მომწოდებლის წესებით. ასეთი პირობები მომხმარებელს უნდა ეცნობოს დაჯავშნამდე ან დაჯავშნის პროცესში.

7.4. მომხმარებლის ინიციატივით მოგზაურობის გაუქმებისას თანხის დაბრუნება განისაზღვრება კონკრეტული მოგზაურობის პირობებით, ფაქტობრივად გაწეული და მესამე პირებისთვის გადახდილი ხარჯებისა და მოქმედი კანონმდებლობის გათვალისწინებით.

7.5. თუ მოგზაურობა ორგანიზატორის მიზეზით გაუქმდა, მომხმარებელს უბრუნდება ორგანიზატორისთვის გადახდილი თანხა სრულად, გარდა მომხმარებლის თანხმობით შეთავაზებული ალტერნატიული მოგზაურობისა ან სხვა კანონიერი შეთანხმებისა. მესამე პირის მიერ მომხმარებლის სახელზე უშუალოდ გაცემული მომსახურებების დაბრუნება შეიძლება დაექვემდებაროს შესაბამისი მომწოდებლის პირობებს.

7.6. მომხმარებელი პასუხისმგებელია მოქმედ პასპორტზე, ვიზაზე, სამოგზაურო დაზღვევაზე, ჯანმრთელობისა და საზღვრის კვეთისთვის საჭირო სხვა დოკუმენტებზე, თუ კონკრეტული შეთავაზებით მათი უზრუნველყოფა ორგანიზატორის ვალდებულება არ არის.

7.7. ვიზის გაცემაზე გადაწყვეტილებას იღებს შესაბამისი სახელმწიფოს უფლებამოსილი ორგანო. ვიზაზე უარი თავისთავად არ წარმოშობს ორგანიზატორის მიერ ყველა გადახდილი თანხის დაბრუნების ვალდებულებას; გამოიყენება კონკრეტული ტურის გაუქმების პირობები და მოქმედი კანონმდებლობა.

8. ხელშეკრულებაზე უარის თქმა და თანხის დაბრუნება

8.1. დისტანციურად დადებული ხელშეკრულების შემთხვევაში მომხმარებელი უფლებამოსილია კანონით გათვალისწინებულ შემთხვევებში, მიზეზის მითითების გარეშე, უარი თქვას ხელშეკრულებაზე 14 კალენდარული დღის განმავლობაში.

8.2. მომსახურებასთან დაკავშირებული 14-დღიანი ვადა აითვლება ხელშეკრულების დადებიდან, ხოლო საქონლის შემთხვევაში — კანონით განსაზღვრული წესით მომხმარებლის ან მის მიერ მითითებული მესამე პირის მიერ საქონლის მიღებიდან.

8.3. თუ მომხმარებლის მკაფიო მოთხოვნით მომსახურების გაწევა დაიწყო უარის თქმის ვადის გასვლამდე, უარის თქმის შემთხვევაში მომხმარებელს შეიძლება დაეკისროს უარის თქმამდე ფაქტობრივად გაწეული მომსახურების პროპორციული ღირებულება, კანონით დადგენილი პირობებით.

8.4. თუ მომსახურება სრულად შესრულდა მომხმარებლის წინასწარი თანხმობითა და იმის დადასტურებით, რომ სრული შესრულების შემდეგ დაკარგავდა უარის თქმის უფლებას, უარის თქმის უფლება შეიძლება აღარ გავრცელდეს კანონით გათვალისწინებულ ფარგლებში.

8.5. ციფრული შინაარსის მიწოდების დაწყებამდე მომხმარებლისგან მიიღება კანონით მოთხოვნილი წინასწარი თანხმობა და დადასტურება, როდესაც ასეთი თანხმობა უარის თქმის უფლებაზე ახდენს გავლენას.

8.6. კონკრეტულ თარიღთან ან პერიოდთან დაკავშირებულ ღონისძიებაზე, განთავსებაზე, ტრანსპორტირებაზე, კვებაზე, დასვენებასა და სხვა მომსახურებაზე შეიძლება გავრცელდეს კანონით გათვალისწინებული გამონაკლისი. ამის შესახებ ინფორმაცია მომხმარებელს ეცნობება შეკვეთის გაფორმებამდე.

8.7. ხელშეკრულებაზე უარის თქმის ან თანხის დაბრუნების მოთხოვნა უნდა გამოიგზავნოს ელფოსტაზე: faskunji.writingschool@gmail.com. მოთხოვნაში უნდა მიეთითოს მომხმარებლის სახელი, შეკვეთის მონაცემები, საკონტაქტო ინფორმაცია და მოთხოვნის შინაარსი.

8.8. დასაბრუნებელი თანხა ჩაირიცხება იმავე გადახდის საშუალებაზე, რომლითაც განხორციელდა ანგარიშსწორება, თუ მხარეები სხვა კანონიერ მეთოდზე არ შეთანხმდნენ. writingschool.ge თანხის დაბრუნებას დაამუშავებს მოთხოვნის დაკმაყოფილებიდან 2–3 სამუშაო დღეში; თანხის ანგარიშზე ასახვის დამატებითი ვადა დამოკიდებულია ბანკზე ან გადახდის მომსახურების მიმწოდებელზე. ყველა შემთხვევაში დაცული იქნება კანონით განსაზღვრული მაქსიმალური ვადა.

8.9. წინამდებარე პირობები არ ზღუდავს მომხმარებლის იმ უფლებებს, რომელთა შეზღუდვაც საქართველოს კანონმდებლობით დაუშვებელია.

9. ინტელექტუალური საკუთრება

9.1. ვებგვერდზე, კურსებზე და ონლაინპლატფორმაზე განთავსებული ტექსტები, ვიდეოები, აუდიომასალა, დიზაინი, დავალებები, პროგრამები და სხვა მასალა დაცულია ინტელექტუალური საკუთრების შესახებ კანონმდებლობით.

9.2. შეძენა მომხმარებელს ანიჭებს მასალის პირადი მიზნით გამოყენების უფლებას და არა მისი გამრავლების, გავრცელების, საჯაროდ ჩვენების, გაყიდვის ან კომერციული გამოყენების უფლებას, თუ წერილობით სხვა რამ არ არის შეთანხმებული.

10. პასუხისმგებლობა და ფორსმაჟორი

10.1. მხარეები პასუხისმგებელნი არიან ვალდებულებების შეუსრულებლობაზე საქართველოს კანონმდებლობისა და წინამდებარე პირობების შესაბამისად.

10.2. ორგანიზატორი არ აგებს პასუხს ვალდებულების შეუსრულებლობაზე, თუ იგი გამოწვეულია მისი გონივრული კონტროლის მიღმა არსებული გარემოებით, მათ შორის სტიქიური უბედურებით, საომარი მოქმედებით, ეპიდემიით, სახელმწიფო შეზღუდვით, სატრანსპორტო შეფერხებით ან სხვა ფორსმაჟორული გარემოებით. ასეთ შემთხვევაში ორგანიზატორი მომხმარებელს გონივრულ ვადაში აცნობებს მდგომარეობასა და შესაძლო ალტერნატივებს.

10.3. ეს პუნქტი არ ზღუდავს მომხმარებლის კანონით მინიჭებულ სავალდებულო უფლებებს.

11. პრეტენზია და დავის გადაწყვეტა

11.1. შეკითხვა ან პრეტენზია მომხმარებელმა შეიძლება გამოგზავნოს ელფოსტაზე faskunji.writingschool@gmail.com ან დაგვიკავშირდეს ნომერზე +995 599 89 10 57.

11.2. მხარეები შეეცდებიან დავა მოლაპარაკებით გადაწყვიტონ. შეთანხმების მიუღწევლობის შემთხვევაში მომხმარებელს შეუძლია მიმართოს საქართველოს კონკურენციისა და მომხმარებლის დაცვის სააგენტოს ან სასამართლოს, საქართველოს კანონმდებლობის შესაბამისად.