ეს ადგილი თითქოს ჩვენი ქვეყნის მთელ ისტორიას ჰყვება – დიდებასაც და დაცემებსაც, მოულოდნელად გაუჩინარებულ უზარმაზარ ციხე-ქალაქს, რომლის მოკირწყლულ ქუჩებში სიარულისას შეუძლებელია თავი შუასაუკუნეების ადამიანად არ იგრძნო

ჭივჭავის ხეობაში არწივები ბუდობენ და ადამიანის გამოჩენას ეჭვიანი ყივილით ეგებებიან აქ ყველა ფანტაზია ინდივიდუალურად უნდა გაცოცხლდეს, მაგრამ მეგზური მაინც გვეყოლება, ხელოვნებათმცოდნე სალომე ჭანტურიძე რადგან ჩვენი მოგზაურობები ხომ ყოველთვის ლექციის ფორმატია და შემეცნების მასტერკლასებით მთავრდება

სამშვილდედან ბოლნისისკენ წავიდეთ ჯერ წუღრუღაშენი დავათვალიეროთ, შემდეგ გერმანელი კოლონისტების კვალსა და კულტურულ თანაარსებობას მივადევნოთ თვალი, გული და ყურიც

ბოლნისის სიონსაც ვესტუმროთ ეს ტაძარი თითქმის იმ ასაკისაა, რამდენისაც ჩვენში შემოსული ქრისტიანობა უძველეს ქართულ წარწერებსა და ბოლნურ ჯვარსაც დავათვალიერებთ და ვისაც სწამს და როგორც სწამს, ისე ილოცებს

ელიას მთაზე ახალაშენებული პეტრე-პავლეს ეკლესიიდან კი მთელი რაიონი ხელისგულზე იშლება შეუძლებელია ამ გადმოსახედიდან არ გაგეფიქროს – რა ლამაზია ეს ჩემი პატარა სამშობლოო

კარგად დაღლილზე, ადგილობრივ რესტორანში ვივახშმებთ ბოლნურ ღვინოზე ამბობენ, თავის დროზე გერმანელები ამ ღვინის გამო დარჩნენ ამ მიწაზე, ოქროსავით ღვინომ მოხიბლა და მართლაც, ბოლნურ ყურძენში ოქროს მარცვლები ბრჭყვიალებენო

7 მარტს ვფიქრობთ შაბათია და წესით ყველა მოიცლით ვისაც ძალიან გინდათ წამოსვლა

უფრო მოკლედ: რას ვნახავთ?

სამშვილდე – ერთ-ერთი უძველესი ციხე-ქალაქი საქართველოში მოვინახულებთ კომპლექსში შემავალ ტაძრებს და გავიხსენებთ ეპოქას, როცა ეს ადგილი მნიშვნელოვანი პოლიტიკური და კულტურული ცენტრი იყო

ბოლნისის სიონი – უნიკალური რელიეფები და ქართული დამწერლობის უძველესი ნიმუშები, რომლებიც ჩვენი იდენტობის საძირკველს გვაჩვენებს

წუღრუღაშენის ტაძარი – ყელმოღერებული ტაძარი და ლაშა-გიორგის სიყვარულთან დაკავშირებული მითები და ლეგენდები

პეტრე-პავლეს ტაძარი – ახალი ისტორია და ტერასაზე შეფენილი ვენახი

ამ გზაზე ერთად გავიგებთ – როგორ ცხოვრობდნენ, როგორ ომობდნენ, რა სწამდათ და როგორ უყვარდათ საქართველოში